Видеото во кое гледавме како двајца насилници тепаат девојка, ја шутираат со нозе и ја тепаат со тупаници, а при тоа и се менуваат, кој да снима, ја потресе целата јавност. Набрзо по објавувањето на видеото проструи веста дека ова видео не е ново. Наводно, видеото било снимено пред 3-4 години, а девојката веќе има родено дете, како што се вели во неофицијалните информации што кружат на социјалните мрежи.
Што може да значи ова?
Прво, ако видеото е старо и девојката во тоа време била бремена, ова дело е уште пострашно. Испаѓа дека насилниците ја тепаат девојката додека е бремена. Ако навистина е снимката снимена пред 3-4 години, тогаш веројатноста дека некој го прикривал ова свирепо насилство со години е уште еден стравичен податок.
Во меѓувреме, полицијата ги идентификуваше двајцата насилници и ги уапси. На социјалните мрежи веќе се објавени и имињата на насилниците, но за нив официјална потврда од МВР, сè уште нема.
Станува збор за извесен Стефан Арсов, а другиот насилник е идентификуван како Пепи Ристов, кои според објавите на Фејсбук може да се виде дека, барем едниот од нив е онлајн активист на ВМРО-ДПМНЕ.
По претходните објави на Фронтлајн, еден читател ни испрати фотографија и информација преземена од профилот на еден од насилниците, тие се блиски и со лица од полициски структури во Штип кои, пак, според информациите, се блиски до ВМРО-ДПМНЕ. Нашите извори посочуваат дека едно од лицата на оваа фотографија е полициски инспектор. За потврда на вистинитоста на овие наши сознанија, упативме прашање до МВР, но до овој момент не добивме никаков одговор.
На социјалните мрежи се поставуваат прашања за тоа – Зошто до сега се молчело? Од каде ја црпеле храброста насилниците ѕверски да измачуваат една девојка, а воедно и да го снимаат овој грозоморен чин?
Во меѓувреме, не стивнуваат реакциите во јавноста, а двете достапни видеа постирани на различни Твитер акаунти, на кои се повикавме и во претходниот текст, се избришани од профилите што ги постирале и немаме сознанија кои се причините за тоа.
Поврзано: (ВИДЕО) Нови моменти од насилството врз девојката од Штип
Ј. Ѓорѓиоски
