пишува: АРИАН МЕХМЕТИ
Кога бев мал, ми велеа да не се грижам и дека за некои десетина години, Македонија ќе изгледа како Швајцарија. Со рани од конфликтот, тоа ми дојде како модел за споредба со нешто убаво, кое сакав да го видам и кај нас. Секако сите очекувања ми беа свртени кон постарите од кои очекував да направат нешто во врска со тоа, но не размислувајќи дека можеби некои ја немале Швајцарија како модел за споредба, без исклучок и на други добри модели за функционирање на една држава.
Стравот од 2001-та кој никако не си одеше ниту со одминување на месеците потоа, со тоа што не знаев дека тој страв ќе се замени со огромен оптимизам за светла иднина за нашата државичка, која ја замислував како место каде што и Албанци и Македонци и сите други нема да има потреба да раскажуваме дека имаме пријател од едната или другата припадност. Бидејќи на сите ќе ни беше мерак да го чуваме тоа, доколку се постигне. Што им фали на кантоните во Швајцарија каде федералната власт нема моќ доколку народот во своите кантони одлучат како да живеат, секако состојбата на народот како би сакал да живее е есенцијална во таков случај.
2002 имав 14 години, кога се навестуваше дека на власт доаѓа сила која во својата агенда гледаше да направи се за да ни овозможи на сите нас да ја почувствуваме таа големина на отвореност кон милиони други нови луѓе за нас, големи можности за работа, за студирање и тн.
Надежта која ја добив на тие години ме држеше оптимист сите следни години се додека во 2014 не дознавме сите за тоа како лакоми политичари кои работеле на случајот само они да го живеат тој сон, но ни го уништувале нашиот, за повторно добрите сили во народот да треба да станат масовно на нозе за да го продолжиме патот на отвореноста и желбите.
Но, сеуште очекувам да направиме место каде што сите може да бидат вработени, да имаат свој дом, свој простор. Затоа да не ја изгубиме визијата која ја сакавме сите и која со нетрпение ја очекуваме во скоро време да се оствари. Приликата која ја имаме сега, е тој муабет дека Македонија навистина има огромни шанси да стане Швајцарија. Да не дозволиме да ни биде криво и да се случи дежаву како во 2006, туку да бидеме будни и да не дозволиме таа прилика да живееме опуштено да ја враќаме на повтарање.
Честит денот на Европа и секој ден на Европската Унија!
