Комесарот за проширување Оливер Вархеи проценува дека ЕУ и Западен Балкан со зајакнати односи излегуваат од кризата со Ковид-19.
Говорејќи за поддршката на ЕУ за Западен Балкан во борбата против Ковид-19, Вархеи нагласи дека давањето помош не е трка, туку смислен и корисен чин.
„Излегувајќи од кризата, нашите односи со регионот се засилуваат, а партнерите се чувствуваат поблиску поврзани со ЕУ“, напиша комесарот на својот профил на Твитер.
По самитот на лидерите на ЕУ и Западен Балкан, комесарот за проширување истакна дека завршната декларација од самитот потврдува дека поддршката и соработката што ЕУ ја има со регионот „далеку го надминува она што другите партнери можат да обезбедат“.
„Тоа е поддржанo од сите лидери на ЕУ27, но и од лидерите од Западен Балкан“, нагласува тој./МИА/
Discussing #EU response to #COVID19 pandemic in #WesternBalkans at @Bruegel_org event now: Providing help is not a race. It’s about being meaningful and useful. Our relationship with the region is coming out of crisis stronger, the partners now feel more involved with #EU.
— Oliver Varhelyi (@OliverVarhelyi) May 12, 2020
