Започна уписот на ученици во прво одделение за учебната 2020/2021 во основните училишта во Општина Карпош.
Во сите образовни установи во Карпош се почитува донесениот Протокол за запишување на првачиња, како резултат на пандемијата од Ковид – 19. Задолжително е носењето на заштитни маски, дезинфекција на влезот на училиштето, чистење и дезинфекција по спроведување на секој разговор, како и одржување на постојана физичка дистанца.
Во училиштата каде што постојат услови и надворешни училници, разговорот се спроведува на отворено.
Ги повикуваме сите родители да ги почитуваат мерките при упис на нивното дете во прво одделение. Сите сме одговорни за јавното здравје, стои во соопштението од општината.
