– Јас во оваа кампања ќе се бавам пред сè со прашањата, проблемите, решенијата, со идеалите и со визија, ќе дадам се од себе да не влезам со бавење со опозицијата, за мене ВМРО ДПМНЕ е завршена приказна, рече во гостувањето на ТВ Сител, министерот за надворешни работи и носител на ИЕ 1 од коалицијата Можеме, Никола Димитров.
Кога станува збор за правдата, Димитров рече дека време е конечно да се стави точка на тие рецидиви од режимот на Груевски.
„Мислам дека на овие избори мора да ставиме точки на последните рецидиви на тој режим што доведе до тоа ЕК да не нарече заробена држава.“, подвлече Димитров.
На прашањето за иднината на државата, Димитров истакна дека влеговме во НАТО, добивме зелено светло за почеток на преговори со ЕУ.
– Државата ја ставивме на шини, сега да ја закачиме за локомотивата што оди напред со СДСМ под лидерството на Зоран Заев, нагласи Димитров.
