Ед Ширан и неговата сопруга Чери Сиборн, денеска го добија своето прво дете. Поп-ѕвездата се пофали со тоа и на Инстаграм.
Тој соопшти дека добиле ќерка и ја крстиле Лира Антарктида Сиборн Ширан.
Ние сме целосно вљубени во неа. Мама и бебето се справуваат одлично и сме многу среќни… Многу ве сакам и ќе се видиме, кога ќе дојде време да се вратам, напиша англискиот пејач меѓу другото. Пораката е придружена со слика од пар мали чорапи.
Инаку, Ед и Чери се доста дискретни во однос на својот личен живот. Младите родители, кои се пријатели од детството, се венчаа на тајна свадба во 2018 година. За бременоста на Чери јавноста и печатот дознаа минатиот месец./МИА/
