Преку механизмот за цивилна заштита на ЕУ, Словенија денеска испраќа хируршки маски и средство за дезинфекција во Црна Гора и Косово, на нивно барање, соопштија од Европската Комисија.
Покрај овие средства, ЕУ обезбедува и заштитна опрема преку Австрија и Естонија за Црна Гора, како и 37 илјади маски испратени порано годинава, јави дописничката на МИА од Брисел.
-Пандемијата на коронавирусот не е завршена и ЕУ останува посветена да се справи со неа и надвор од своите граници. И се заблагодарувам на Словенија за нејзината помош за Црна Гора и Косово, ова е вистинска европска солидарност во акција, изјави Јанез Ленарчич, еврокомесар за хуманитарна помош.
