Кога вакцината против Ковид-19 ќе стане достапна, се очекува да бидат вакцинирани околу 60 проценти од словенечкото население или околу 1,2 милиони луѓе. Тоа го нагласи словенечкиот министер за здравство Томаж Гантар.
Гантар, одговарајќи на прашањето на пратеници, цитираше интерно истражување кое покажа дека околу 55 проценти од вработените и 69 проценти од корисниците на домови за стари лица изразиле желба да се вакцинираат, јави СТА.
Тој додаде дека околу 60 проценти од луѓето во ЕУ се очекува да бидат вакцинирани.
Гантар посочи дека листите на чекање во јавниот здравствен систем веќе се зголемике повеќе од 10 пати во годините на економски раст, а тие исто така значително се зголемиле во текот на првите два месеци од епидемијата.
