„Ги читам вечерва новите информации во серијалот новинарски истражувања околу состојбите во Националната агенција за европски образовни програми и мобилност. Впечатокот е загрижувачки. Итно е потребно целосно расчистување на овој случај“, забележува првиот човек на Секретаријатот за европски прашања, Никола Димитров.
„Мора да се истражат сите наоди и да се открие целата слика, оти за државата само едно нешто е поголем срам од шпекулации за наводна злоупотреба на пари на европските даночни обврзници – а тоа е кога во тие сомнежи би имало вистина“, посочи Димитров.
Инаку директорката на Националната агенција за европски образовни програми и мобилност, Лидија Димова утре во 11.00 часот, во просториите на Националната агенција за европски образовни програми и мобилност ќе одржи прес-конференција по повод шпекулациите за злоупотреба на пари од институцијата која ја раководи.
