Министерството за внатрешни работи јавува за приведување на двајца дилери на дрога државјани на Албанија. Како што наведуваат од МВР, била пронајдена торба со два килограми марихуана.
„На 06.11.2020 од страна на полициски службеници од ОВР Гостивар, на ул.„Боге Велјановски“ во Гостивар бил извршен преглед кај двајца албански државјани, при што била пронајдена торба со два килограми марихуана. При обид за нивно легитимирање, албанските државјани физички ги нападнале полициски службеници, спречувајќи ги во вршење на службени дејства. Од страна на полициските службеници бил лишен од слобода С.Џ.(21) од Пешкопеја, Р.Албанија, додека М.А.(19), исто така од Р.Албанија, се дал во бегство. По засилени мерки и активности преземени од полицски службеници од Одделот за криминалистичка полиција – Сектор за недозволена трговија со дрога, во соработка со СВР Тетово и СВР Охрид бил пронајден и лишен од слобода и М.А., а дополнително била пронајдена уште една полиетиленска ќеса со марихуана.“, информираат од МВР.
