Инфектологот Вело Марковски, член на Извршниот комитет на ВМРО ДПМНЕ, со јавните настапи му пркоси на лидерот Христијан Мицкоски, оној кој пред извесно време го постави во највисокото партиско тело.
Со настапите на двајцата тандемот Мицкоски – Марковски преставува закана и опасност по здравјето на граѓаните.
Во петокот Мицкоски преку видео порака на социјалните мрежи ги повика граѓаните да носат маски и да бидат внимателни, но вчера Марковски во телевизиско интервју зборуваше дека маските се штетни по здравјето и дека тој се подготвува пред Уставен суд да ја оспори оваа заштитна мерка, особено носењето маска на отворено.
Значи политичарот повикува да се носат маски, а лекарот ги преставува маските за опасност. Очигледно двајцата промовираат спротивставени ставови, но со каква цел? Дали ваквите конструкции се намерни за да предизвикаат забуна и паника кај граѓаните? Ваквите настапи се продолжение на неодоговорното однесување на ВМРО ДПМНЕ, карактеристично во изминатите осум месеци, откако започна пандемијата. Инаку, со изјавата дека граѓаните не треба да носат маски, Марковски застанува против препораката на Светската здравствена организација за носење маски на отворено.
Голем број држави во светот ја имаат воведено мерката со задолжително носење заштитни маски на отворен простор. Во телевизискиот настап Марковски отиде до таму што одново ја постави дилемата дали вирусот постои. На почетокот на пандемијата овој лекар зборуваше дека корона е смешен вирус и нема да предизвика големи последици, за сега бројката починати да ја користи Мицкоски во неговата црна кампања насочена против здравствениот систем.
Сега повторно Марковски изјави дека немало научен доказ дека пациентите умираат од корона, па тогаш како неговиот лидер води кампања со секојдневно броење мртви од Ковид? Ова е уште едно различно гледиште на здравствената ситуација во државата со кое исто така се внесува страв кај заболените, но и кај сите граѓани.
На крајот, Мицкоски во видеото од петокот ги предупредуваше граѓаните да внимаваат, да носат маски, да не се групираат, да не излегуваат од дома… или едноставно ги наброја владините мерки за заштита кои потоа ги критикува во јавноста. Што значи и Мицкоски сам по себе е контрадикторен, а сето тоа станува опасно кога ќе се спореди со изјавите на Марковски, па граѓаните не знаат кому да веруваат.
ВМРО ДПМНЕ не успеја за осум месеци да ја сфати сериозноста на пандемијата и да придонесе во полесно надминување на здравствената и економската криза. И сега кога следува тежок период во кој ќе има и нови заболени и нови починати, ВМРО ДПМНЕ продолжува да биде деструктивна и да не се грижи за здравјето.
Лекарот Марковски дури и го оспори стручното постапување на своите колеги лекари со тоа каква терапија им даваат на пациентите. Тандемот Мицкоски – Маркоски ја поткопува довербата во здравствениот систем. Се започна кога Мицкоски на почетокот на кризата тврдеше дека јавното здравство нема тестови за корона, што се покажа како лага, а сега завршува со тоа дека партијата и натаму нема единствен став за Ковид и за тоа како да се заштитат граѓаните.
Д. Е.
