Премиерот Зоран Заев изјави дека очекува средба со бугарскиот премиер Бојко Борисов во следниве недели.
„Бугарија е голем пријател и верувам ќе остане на таа линија. Ние не сме многу далеку од договорот, ние треба само да имаме добра волја. Верувам дека ќе се случи до вториот совет на министри на ЕУ, една средба меѓу мене и Борисов“, изјави Заев.
„Не зборуваме за отстапки, зборуваме за решенија од двете страни. Драго ми е што Бугарија го признава македонскиот јазик и македонскиот идентитет како наша реалност“, додаде тој.
Според Заев, македонско-бугарските бизнис односи се извонредни.
Извор: А1 он
