Последните епидемиолошки анкети покажаа дека актуелните мерки за справување со пандемијата на Ковид-19 се ефикасни и дека во овој момент, нема потреба од нови поригорозни рестриктивни мерки, изјави денеска градоначалникот на Прилеп, Илија Јованоски по средбата со министерот за здравство Венко Филипче.
„Ние, како Општински кризен штаб, продолжуваме со спроведување на нашите мерки. Со задоволство можам да кажам дека наидовме на подадена рака од страна на здружението на матични лекари од нашиот град, чии тимови од утре ќе започнат со волонтирање во Инфективното одделение во болницата „Борка Талески“.
Како што кажа началникот на ова одделение, најмногу помош им треба во деновите од викендите. Сакам да упатам благодарност до волонтерите од спасителната служба „Златоврв“, чија работа на терен во изминативе два дена веќе дава резултати. Нивниот ангажман придонесе за ставање на ред пред банките, маркетите, пазарот и на сите јавни места каде имаше групирање на граѓани. Се’ додека има потреба од нивниот ангажман, тие ќе бидат активни“, рече Јованоски.
И ,атичните лекари во Прилеп се одзваа на апелот на градоначалникот да помагаат во ковид одделението.
„Со ова верувам дека ќе се намали притисокот врз здравствените работници, изјави министерот Филипче по денешната срдба со градоначалникот на Прилеп.
И.Т.З.
