„Во време на сериозна пандемија локалната власт во Штип сите капацитети го става во функција во борбата против коронавирусот. Како доктор и лично сведочам на натчовечките напори кои ги прават моите колеги во борбата против невидливиот непријател“, изјави Сашко Николов, кандидат за градоначалник на СДСМ за предвремените локлани избори во Штип.
„Здраствените работници не можат сами, без поддршката од граѓаните и сите општествени чинители. Потребно е секој еден граѓанин доследно да ги почитува мерките за заштита , а Општина имаме обврска да создадеме услови за тоа.
Како доктор и како иден градоначалник на Штип,почитувајќи ги моралните и етички вредности , се обврзувам да направам се јавното здравје да е ВО СИГУРНИ РАЦЕ.
Веднаш по моето стапување на функција како градоначалник на општина Штип, ќе иницирам добротворен фонд преку којшто ќе обезбедиме бесплатни заштитни маски за сите штипјани.
Почитувањето на мерките е исклучително важно за да се добие битката против Ковид 19 и токму затоа, како општина ќе се погрижиме на секој еден штипјанец да му биде достапна бесплатна заштитна маска.
Во овој добротворен фонд апелирам да се вклучат сите општествено одговорни компании и други донатори.
Кризниот штаб ќе продолжи со редовна и навремена дезинфекција на сите јавни установи кои се под надлежност на општината, како и редовни состаноци и средби за координирање на сите јавни институции и ЈП кои се инволвирани борбата со пандемијата предизвикана од Ковид-19.
Преку прибирање донации наменети за ранливите категории на граѓани, активирање на сите волонтери во делот на достава на лекови и намирници до домовите на повозрасните и инзнемоштени лица ќе се продлабочи и соработката со приватниот сектор и Црвениот Крст .
Во тесна соработка со Министерството за здравство и натаму ќе вложуваме максимални напори за обезбедување на квалитетна и навремена здравствена грижа за секој кој има потреба од тоа. Ќе работиме и на подобрување на инфраструктурните услови на Центарот за јавно здравје и Здравствениот дом во Штип, итната медицинска помош кои координирано и синхронизирано работат во текот на целата пандемија.
Штип се грижи и ќе се грижи за секој еден свој жител. Солидарноста, хуманоста и посветеноста се нашиот столб и во тој дух ќе продолжиме да работиме.
Пред нас стои шансата да го движиме нашиот Штип по патот на напредокот и да го развиваме онака како што посакуваат штипјани.
На 13 декември издвојте 5 минути од своето време и дадете свој придонес во развојот на Штип како модерен, европски, еколошки, безбеден град со еднакви можности за сите сограѓани, излезете на избори и заокружете го бројот 2 за Штип да биде во сигурни раце!“, изјави Николов.
