Фобија претставува вид на болест, која е поврзана со стравот кој го чуствуваат луѓето. Сите понекогаш се плашат или стравуваат од нешто, но лицата заболени од фобија се плашат до таа мера што остануваат без свест. Зборот фобија потекнува од грчкиот збор fobos, што значи бегство, паника или страв. Медицински тоа значи, да се има страв од разни ситуации или предмети но без реална основа и повод. Луѓето со фобија најчесто се плашат од средба со тие предмети или ситуации.
Актерката Меган Фокс е дефинитивно во топ 5. Имено, таа има фобија од хартија. Актерката вели дека трепери кога ќе ja допре. Хартијата толку и пречи што кога ќе го прочита сценариото за нов филм, не ја држи хартијата во рацете, туку користи пластични чаши како поделници. Својата фобија еднаш ја има споредено со гребење на ноктите на табла.
Ако мислевте дека не може да се има по чудна фобија од Меган – се излажавте. Следната ѕвезда што има необјаснив страв е една од најпознатите водителки, Опра Винфри. Таа никогаш нема да биде фатена како џвака гуми за џвакање, бидејќи многу се плаши од тоа. Опра не може да ги издржи затоа што има трауми од детството. Нејзината баба лепела гуми за џвакање низ целата куќа во такви количини што создавала наслаги и тоа оставило трајни последици кај Опра.
Иако моментално минува низ најголемата драма во својот живот, откако беше обвинет и прогласен за силеџија, актерот Џони Деп со години се плаши од кловнови. Иако овој страв не е толку непознат, тој е сериозен проблем. Некои луѓе автоматски пуштаат солзи кога ќе сретнат кловн и не можат да го издржат тој страв и немир. Како што има изјавено Џони, „Тие се нашминкани и маскирани, така што не можете да знаете што стои зад нивната психо-насмевка“.
Актерот Киану Ривс исто така има необична фобија. Имено, тој се бори против никтофобија – страв од темница. Истиот страв може да предизвика интензивни симптоми на анксиозност и депресија. И покрај тоа што често се поврзува со деца, старите лица исто така можат да страдаат од овој страв.
Последен на нашата листа е поранешниот фудбалер Дејвид Бекам. Имено, тој страда од атаксофобија, односно страв од нарушување. Како што и самиот признава, тој едноставно полудува кога работите во неговата соба не се распоредени според бојата, големината и количината. Некои тврдат дека може да се види на него, затоа што е секогаш уреден и беспрекорен.
