Владата ги прифати предлог рестриктивните мерки на Комисијата за заразни болести. Премиерот Зоран Заев на денешната прес конференција рече дека Владата донела одлука новите мерки да траат од периодот од 18 декември до 20 јануари на полноќ со цел да се избегне зголемување на бројот на новозаболени од ковид-19.
Мерките вклучуваат забрана за работење на угостителските објекти по 18 часот, забрана за организирање на предновогодишни прослави, како и прослави за Нова година, забрана за собири на отворен или затворен простор, верски собири за време на Божиќните празници, и истите ќе траат од 18 овој месец па се до 20 јануари на полноќ.
„Мерките се однесуваат на ограничување на работното време на угостителските објекти, забрани за организирање предновогодишни и новогодишни забави на отворен и затворен простор, а имаме и јасни препораки до верските заедници, до работните организации, до општините и до рестораните во хотелските објекти. Мерката се нарекува „Празнувај одговорно“ a целта е заштита од ковид-19 во предвечерието на вакцинацијата“, порача Заев.
