Првата дама Меланија Трамп го прекина молкот и го даде првиот коментар за насилството во Капитол кога приврзаници на Доналд Трамп упаднаа во зградата минатата недела.
Во писменото соопштение објавено на веб-страницата на Белата куќа и споделено на нејзиниот профил на Твитер, таа рече дека нејзиното срце е насочено кон шесте лица кои починале по нападот, вклучително и двајца полицајци во Капитол.
-Апсолутно го осудувам насилството што се случи во Капитол и никогаш да не се прават претпоставки засновани на бојата на кожата на некоја личност или да се користат различни политички идеологии како основа за агресија и злобност“.
Првата дама ги повика граѓаните да се фокусираат на она што ги обединува Американците, а не на она што ги разделува.
„Инспиративно е да се види дека толку многу луѓе најдоа страст и ентузијазам за учество на избори, но не смееме да дозволиме таа страст да се претвори во насилство“, продолжи таа.
Таа не спомна за оние кои се одговорни за поттикнување на насилството минатата среда. Некои обвинија дека тоа ги вклучува претседателот Доналд Трамп и некои републикански пратеници кои ги охрабруваа поддржувачите на Трамп да се „тепаат“ во Капитол, додека пратениците се обидоа да ги избројат гласовите на Изборниот колеџ што ја зацврсти победата на Бајден.
Првата дама исто така не рече ништо во врска со повиците потпретседателот Мајк Пенс, со помош на кабинетот на Трамп, да се повика на 25-тиот амандман за смена на Трамп од функцијата или планот на демократите од Претставничкиот дом за евентуално негово отповикување по втор пат.
Таа рече дека ѝ е животна чест да служи како прва дама. Последниот ден на функцијата Трамп, освен ако не биде сменет или поднесе оставка, е Денот на инаугурацијата на 20 јануари кога ќе положи заклетва новоизбраниот претседател Џо Бајден.
