Во својот прв говор како претседател на САД Џо Бајден на Америјканците и светот му порача дека денеска е ден на Америка, ден на демократијата, ден на историјата и надежта, ден на обновување. Америка е на висина на предизвикот. Денес го славиме триумфот на демократијата, рече Бајден.
Министрите за здравство, Венко Филипче, и за образование, Мила Царовска, денеска на состанок со претставниците на Сојузот на средношколци порачаа дека наставата во второто полугодие продолжува со истите мерки и препораки, како и досега.
Холандската Влада најави од петок воведување на полициски час, во обид да го спречи ширењето на новиот вид на коронавирус во земјата.
Преку единството можеме да постигнеме големи и важни работи – да создадеме работни места, да ги учиме нашите деца во училиштата, да го победиме вирусот, да постигнеме расна правда и уште еднаш да ја направиме Америка водечка сила на доброто во светот. Знам дека силите што не делат се длабоки и реални, но тие не се нови, Нашата историја е постојана борба помеѓу американскиот идеал – дека сите сме создадени еднакви – и суровата реалност, расизам и екстремизам“, рече Бајден во својот прв говор.
Генералниот секретар на НАТО, Јенс Столтенберг го поздрави официјалното стапување на должност на новиот американски претседател Џо Бајден.
Владата на Република Северна Македонија на 40-тата седница, по препорака на Комисијата за заразни болести, донесе измени на одлуката за работното време на рестораните и другите угостителски објекти согласно која од 21-ви јануари се укинува одлуката за ограничување на работното време на рестораните и другите угостителски објекти за работа до 18:00 часот.
Васил Гарванлиев по третпат ќе учествува на Евровизија.36-годишниот пејач и годинава беше избран од МРТ за да нè претставува на музичкиот натпревар.
Премиерот Зоран Заев им посака мандат исполнет со успешни политики кои обединуваат, и упати верба дека Македонија и САД ќе ги продлабочат своите сојузништва.
Пекинг воведе санкции против 28 американски граѓани за мешање во внатрешните работи на земјата и поткопување на кинеските интереси. Меѓу нив се поранешниот државен секретар Мајк Помпео и трговскиот советник на Доналд Трамп, Питер Наваро, соопшти кинеското Министерство за надворешни работи.
