„Интеграција не значи инфузирање, интеграцијата значи модуларно поставување на секоја научна дисциплина и интеграција врз основа на теми кои укажува проблемско пристапување кон секое делче коешто го учиме за секоја тема. Притоа, секој ученик ќе добие оценка и по географија и по историја и по граѓанско, заради тоа што мора да има одредени факти што треба да ги знае, но, главно заедничкото планирање на предметот општествени науки на наставниците од различни научни дисциплини ќе треба да ни даде излезен резултат колку ученикот фактите што ги научил по дадените модули знае да ги употреби во секојдневното решавање на проблеми.“- објасни дел од Концепцијата за реформи во образованието, министерката Мила Царовска, во вестите на Сител.
Истакна дека секоја реформа што ќе следува ќе му донесе подобро на образованието отколку она што го имаме денес.
„Се што ќе направиме е подобро од тоа што е денес, заради тоа што нашите резултати на меѓународните тестирања како и на домашните тестирање покажуваат функционална неписменост кај нашите ученици. Нашите ученици не се помалку интелегентни од другите ученици само им треба квалитетно образование коешто ќе ги донесе до врвот. За прв пат за реформи во образованието зборуваме во државата, до сега сите концепции што се носени, сите програми сите реформи заради тоа што се во надлежност на МОН немало дискусија , кога засегнати страни досега дискутирале за образование? Сега го имаме најтранспарентниот процес и верувајте навистина сум среќна затоа што јас верувам во демократија, верувам во тоа дека секој треба да си го каже ставот и токму затоа многу ги ценам конструктивните коментари.“- рече Царовска на Сител.
