Претседателот на Европскиот совет, Шарл Мишел ја осуди денеска воената интервенција и преземањето на власта во Мјанмар, барајќи да се ослободат оние кои војската ги уапсила во извршените рации низ земјата.
– Исходот од изборите мора да се почитува и демократскиот процес треба да се однови, напиша Мишел на Твитер.
I strongly condemn the coup in #Myanmar and call on the military to release all who have been unlawfully detained in raids across the country.
The outcome of the elections has to be respected and democratic process needs to be restored.
— Charles Michel (@eucopresident) February 1, 2021
Војската на Мјанмар рано изутринава прогласи вонредна состојба во траење од една година, ја презеде власта во државата и потврди дека извршила апсење на високи владини функционери како одговор на изборната измама.
Воените сили потврдија дека е уапсена премиерката Аунг Сан Су Чи, која е добитничка на Нобеловата награда за мир и лидер на партијата Национална лига за демократија која убедливо победи на ноемвриските избори.
Британскиот премиер Борис Џонсон го осуди денеска воениот удар
– Аунг Сан Су Чи и останатите цивилни лидери мораат да бидат ослободени, изјави Џонсон.
Тој додаде дека е „недопустливо затворање на цивили, вклучително и Аунг Сан Су Чи“.
– Гласот на народот мора да се почитува, а цивилите да бидат ослободени, заклучи британскиот премиер.
Ј. Ѓ.
