Нови 316 случаи на ковид 19, починати се 11 пациенти. Бројот на активни случаи во цела држава во моментов изнесува 8.863. Од почетокот на пандемијата регистрирани се 107.479 случаи со ковид-19. Вкупниот број на починати е 3.206, а на излекувани 95.410.
Вакцинацијата со Спутник V најверојатно ќе почне со повозрасните лица. Термините ќе останат исти. Единствена разлика е во делот на растворањето на вакцината, ако во една дијала кај Фајзеровата вакцина се вадеа шест дози, овде една дијала е за еден човек. Значи замрзнат е раствор само за еден граѓанин којшто може да ја прими вакцината. Но, денеска ќе биде тој распоред од страна на тимот, рече Филипче.
Новата еврообврзница е со историски најниска камата, позитивни коментари на експертите. Владата ја издаде новата еврообврзница во вредност од 700 милиони евра со каматната стапка од 1,625 отсто. Од нив 500 милиони евра веќе се одлеваат за отплата на еврообврзницата издадена во 2014-та година земена од тогашната Влада предводена од ВМРО-ДПМНЕ и министерот за финансии Зоран Ставревски, пари воглавно потрошени за проектот „Скопје 2014“.
КФС: Финансискиот систем успешно им одговори на предизвиците од корона-кризата, регулаторите постојано ги следат состојбите. Имајќи предвид дека здравствената криза сѐ уште трае, регулаторите и натаму со особена внимателност ќе ги следат состојбите, приспособувајќи ги своите мерки и пристап заради превентивно делување за натамошно јакнење на финансиската стабилност, а со тоа и на отпорноста на системот на шокови.
Професор Јовановиќ: Еврообврзницата е земена во вистинско време, оваа камата што се доби е навистина добра. Оваа камата што се доби е навистина добра. Има едно непишано правило – ако каматната стапка на јавниот долг е пониска од стапката на раст на БДП тоа е добро, долгот ќе се намалува. Очекувањата се дека оваа година БДП ќе порасне за повеќе од 2%, што значи дека оваа камата од 1.6% нема да го зголеми јавниот дол, изјави професор Бранимир Јовановиќ.
И. Т. З.
