„Независен весник“ објавува анализа со преглед на сите пресуди по предметите на СЈО и на оние за настаните во парламентот од 27 април, според која од 2017 година, кога започнаа првите судења покренати од СЈО па досега изречени се пресуди од над 350 години ефективен затвор во високопрофилни случаи, иако некои од нив треба да ги потврди Апелацискиот суд.
Во Собранието денеска се одржаа три седници. Заврши општиот претрес за Предлог-законот за задолжување на Северна Македонија со заем кај Меѓународната банка за обнова и развој – Светска банка, под договор за заем на финансирање на Проектот за енергетска ефикасност во јавниот сектор, по скратена постапка.
Лидерот на ДУИ Али Ахмети тврди дека нема раздор во партијата и дека парламентарното мнозинство е стабилно и покрај тоа што пред два дена досегашниот координатор на пратеничката група Изет Меџити се повлече од таа должност, а на негово место дојде Арбер Адеми.
За време на холокаустот, нацистите го развиле најефикасниот начин за да уништат цел еден народ. И речиси успеале во таа монструозна намера. Во текот на Втората светска војна биле убиени над шест милиони Евреи. Сите биле систематски деперсонализирани, дехуманизирани и уништени, истакна претседателот Стево Пендаровски на комеморативниот настан организиран од Италијанската амбасада во земјава, а во соработка со Еврејската заедница во Северна Македонија, во рамки на одбележувањето на 78-годишнината од холокаустот на македонските Евреи.
Билатералните прашања не треба да го условуваат процесот на проширување на ЕУ, вели амбасадорот на Италија во земјава, Андреа Силвестри.
Од денес (11 март), во кината Синеплекс почнуваат проекциите на македонскиот долгометражен игран филм „Ефектот на среќа“. По отворањето на фестивалот Синедејс и учествата на интернационалните филмски фестивали PriFest и SEE Online, каде ја освои наградата за најдобар филм, „Ефектот на среќа“ ќе може да го види и домашната публика.
Претседателот Стево Пендаровски за утре во 13 часот свика седница на Советот за безбедност на Република Северна Македонија.
