По прв пат ние како Влада имаме среднорочна стратегија за развој и среднорочно планирање на буџетот и со двата параметри некаде веќе четвртата година ние би требало да го спуштиме јавниот долг на 56%, 56,7% тоа значи дека во суштина економијата ќе генерира таков раст за да ние бидеме во ситуација да го намалуваме јавниот долг со раст на БДП. истакна вицепремиерот за економски прашања Фатмир Битиќи во емисијата „24 анализа“ на ТВ24.
Вицепремиерот Битиќи во реплика кон Трајко Славески истакна дека не може некој во апсолутна бројка да кажува дека ќе намалува јавен долг а притоа БДП да е на исто место. Мора економијата да расте, а секако секој еден денар задолжување треба да оди во насока на развој, ако оди во насока на развој тој ќе продуцира раст.“
Ако во 2020 година ние не го направевме тоа што го направивме со справување на кризата ние најверојатно ќе завршевме на пад некаде околу 10%. Сега сме на -4,5%, истакна Битиќи.
Тој додаде дека бројките, не само нашите, туку и на меѓународните финансиски институции покажуваат дека сме направиле мерки што дале резултат падот да биде помал.
Тоа ни дава за право за 2021, 2022, 23 24 година да проектираме раст до 5,2%, порача вицепремиерот за економски прашања Фатмир Битиќи.
