До евентуално одложување на пописот може да дојде само доколку за тоа даде препорака Комисијата за заразни болести, таквата одлука не е во делокруг на Државниот завод за статистика, кој во моментов се раководи според постоечкиот оперативен план.
Се очекува вакцините од „Астра Зенека“ да стигнат на 31 март и 15 април, додека кинеските вакцини на 31 март, рече вчера министерот за здравство Венко Филипче. Оцени дека земјава има балансиран систем на рестрикција во кој е исклучително важна индивидуалната одговорност и оти следниот период до почеток на следната недела, има простор да се направи проценка на резултатите од сегашниот полициски час.
Важно е дека системот е спремен, точно знаеме како ќе се спроведува вакцинацијата и сега вакцинацијата со здравствените работници тече без никаков застој што ни укажува дека ситемот е навистина подготвен рече министерот Филипче.
Претстојното словенечко претседателство ќе го врати регионот во фокусот на ЕУ, заклучи министерката Шекеринска на нејзината средба со претседателот на Словенија Борут Пахор, со што ја заврши еднодневната официјална посета на Република Словенија.
Дезинформација е дека на пописот во Швајцарија сме именувани како „северномакедонци“. Не е точно дека на германски јазик зборот Nordmazedonien се однесува на етничката припадност, туку на името на нашата држава, Северна Македонија.
Лажни вести и говор на омраза кон Џабир Дерала. На неколку портали и Фејбук групи се шири ЛАЖНА ВЕСТ дека Џабир Дерала од Цивил има ковид 19.
М. Миткоска
