Олимписка обука за спортски менаџмент и спортска администрација беше одржана денес во Општина Тетово во организација на Олимпискиот комитет на Северна Македонија (ОКСМ). Обуката е наменета за спортските административци, претставници на сојузи, федерации, наставници, спортисти кои работат на територијата на општина Тетово.
-Гостуваме во Тетово покрај за да се запознаеме со состојбите и да споделиме искуства, знаења и обука на спортската администрација, каде ќе понудиме еден сет на информации и знаења околу активното учество на спортските работници во Тетово. Она што е важно дека Тетово како спортски град кој навистина дава репрезентативци во повеќе спортови ние е битен да се развива и понатаму. Очекуваме и понатаму да биде активен чинител, а она што ние како Олимписки комитет можеме да помогнеме да поделиме ресурси да Тетово се развива на сите полиња и вклучително спортот, изјави претседателот на Олимпискиот комитет, Даниел Димевски.
Обуката ги опфаќа области како што се стратешки и проектен менаџмент, спортска медицина и заштита на здравјето на спортистите, основи и вештини на менаџмент, водење на спортските организации, развојни стратегии и односи меѓу спортските и јавните авторитети, стратешко планирање, оперативна средина во спортот и многу други области. Олимпискиот комитет на Северна Македонија ваквите обуките ги спроведува во соработка со Агенцијата за млади и спорт, националните сојузи и федерации, спортските клубови, спортистите и други спортски ентитети.
извор: МИА
