Британската програма за вакцинација против Ковид-19 почна да ја прекинува врската помеѓу инфекцијата и сериозната болест или смртта, покажуваат најновите резултати од тековната студија за пандемијата во Велика Британија.
Истражувачите од Империјал Колеџ во Лондон откриле дека инфекциите со Ковид-19 паднале за околу 60 проценти во март, бидејќи националните мерки за блокирање го забавија ширењето на вирусот.
Луѓето на возраст од 65 години и повеќе имаат најмала веројатност да бидат заразени, бидејќи тие имаат најголема корист од програмата за вакцинација, која првично се фокусираше на возрасни лица.
Студијата исто така откри дека врската помеѓу инфекциите и смртните случаи се разликува, „што укажува дека инфекциите може да довеле до помалку хоспитализации и смртни случаи од почетокот на широко распространетата вакцинација“.
Но, истражувачите исто така повикаа на претпазливост, велејќи дека нивото на инфекција се изедначува на крајот од периодот на студијата, бидејќи Владата почнува да ги олеснува мерките и децата да се враќаат на училиште.
Следниот чекор за укинување на третата национална блокада е закажан за 12 април, кога ќе им биде дозволено да се отворат продавниците, фризерниците, фитнес салите и услугите на отворено во барови и ресторани.
Истражувањето на Империјал Колеџ спроведува тестови низ Велика Британија секој месец. Последниот беше со над 140.000 луѓе од 11. до 30 март.
извор: МИА
