Маричиќ: Ако сакаме напред опозицијата мора да се откаже од блокирањето како стратегија

Ако сакаме да одиме напред, да ги усогласиме законите со ЕУ, да носиме добри одлуки во овие кризни времиња, потребно е да се намалат тензиите и да се воспостави дијалог, а опозицијата да се откаже од блокирањето како политичка стратегија“ изјави министерот за правда Бојан Маричиќ во гостувањето во емисијата „Објектив“ на МТВ.
Тој објасни дека Поглавјата 23 и 24 од преговорите за ЕУ се клучот, бидејќи со нив се отвораат преговорите и со нив се затвораат, а Собранието е важен партнер во исполнување на условите во тие поглавја. „Имаме одлична соработка со претставниците на Собранието, јас сум претставник на Владата на собраниската координација и соработката е добра се до оној дел додека не дојде до блокада од опозициските партии. Се соочуваме со илијадници амандмани. Блокирањето е лошо за државата – едно е да блокирате одредени закони, а друго е да го блокирате цело Собрание“ изјави Маричиќ. Министерот додаде дека има можности во Собранието брзо да течат прашањата поврзани со европското законодавство, доколку за тоа има волја