„Во ниту еден случај на земјоделците кои се корисници на земјиште во моментов нема да им се одземе тоа. Целта на законот за продажба на земјоделското земјиште е позитивна, дококлу сакаат да инвестираат ќе можат да го купат земјиштето“ изјави министерот за земјоделство, Аријанит Хоџа во гостувањето на „Топ тема“ на ТВ Телма.
„Доколку државата цени дека не треба да се дозволи пренамена на земјиштето, доколку не е во согласност со законите, било кој и да биде министер или било која да биде Влада нема да се дозволи тоа“ изјави министерот за земјоделство, Аријант Хоџа во вечерната „Топ тема“ на ТВ Телма, објаснувајќи го членот со кој се предвидува пренамена на купеното земјоделско земјиште со новиот Закон за продажба на земјоделското земјиште.
„За купување на земјоделско земјиште со новиот Законот за продажба на земјоделско земјиште инвеститорот ќе треба да достави и бизнис план за тоа како ќе го користи земјиштето и доколку не се придржува до истиот, државата има право да го раскине договорот“ објасни министерот за земјоделство Аријанит Хоџа во вечерашната „Топ тема“ на ТВ Телма.
Република Северна Македонија и Албанија не треба под никаков услов да се одвојат на патот кон ЕУ. Ваков ни беше ставот и минатата година, кога всушност требаше да се оддели Албанија за да не ја попречува Република Северна Македонија кон ЕУ. Ставот е конзистентен и сметаме дека треба да се отпочнат преговори час поскоро со ЕУ, со двете земји, како што беше ветено. Ова вечерва го изјави првиот вицепремиер и министер за политички систем и односи меѓу заедниците Артан Груби во „Само интервју“ на Канал 5 телевизија.
Заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, на покана на ко-претседавачите на Коморскиот инвестициски форум (КИФ) за Западен Балкан, Марко Чадеж и Бранко Азески, денеска присуствуваше на седницата на Управниот одбор на КИФ, која се одржа во просториите на Стопанската комора на Србија во Белград.
На премиерот Зоран Заев денеска во Атина му е врачено одликување како признание за неговиот голем придонес во унапредувањето на економските и политичките врски меѓу Грција и Северна Македонија од страна на претседателот на Атинската трговско-индустриска комора, Константинос Михалос.
