Јавен настан на тема „Можеме ли заедно?“, во организација на ЦИВИЛ на кој ќе стане збор за тоа кои се придобивките кога различните заедници работат и живеат заедно, ќе се одржи денеска 2 јуни, во хотел Парк Резиденс&Спа, зад градскиот стадион во Скопје.
На настанот ќе учествуваат активистката Лиса Баута Шаќири, актерката Владанка Димковска и Ванчо Орданоски, сопственик на бизнис во ИТ секторот. Настанот ќе го модерира Дијана Тахири, ЦИВИЛ.
Учесниците ќе споделат ставови, искуства и сознанија за тоа дали и како мултикултурализмот и почитувањето на различностите се рефлектираат во работните и животните опкружувања.
Дебатата е дел од Иницијативата „Направи разлика: Почитувај ги различностите“ што се спроведува со поддршка од Министерството за надворешни и европски прашања на Големото војводство Луксембург.
Настанот ќе се пренесува во живо на видео каналот и Фејсбук страницата на ЦИВИЛ.
