Кризата од КОВИД-19 покажа колку се важни пријателите за да се победи пандемијата, вели во денешната објава на Фејсбук премиерот Заев.
„Пријателска подадена рака од Владата на Грција ме дочека на враќање од Брисел по Самитот на НАТО. Министерот за здравство, Венко Филипче од делегацијата на грчката влада ја прими донацијата од 20.000 вакцини Астра Зенека.“, истакнува Заев
Премиерот Заев во негово и во име на сите граѓани се заблагодарува за овој чин на солидарност до грчката влада и до народот на Грција.
Министерот за здравство Венко Филипче на својот Фејсбук профил објави дека пристигна донацијата од 20.000 дози вакцини „Астра Зенека“ од Грција.
За време на примопредавањето не поздрави и премиерот Зоран Заев, кој во тој момент се врати од Брисел, посочува Филипче.
Солидарноста меѓу пријателските земји во време на ковид пандемијата, истакнува Филипче, покажува колку е важно сите да бидеме сплотени во процесот на имунизација, бидејќи тоа е единствениот начин да издвојуваме победа против вирусот Ковид-19.
Грчкиот премиер Кирјакос Мицотакис на крајот од мај од Брисел најави дека се разгледува можноста за директна билатерална помош за соседните земји, а неколку дена подоцна министерот Филипче соопшти дека Северна Македонија очекува 70.000 дози вакцини, од кои 50.000 од Бугарија и 20.000 од Грција.
Ј. Ѓ.
