Премиерот Заев со авторски текст во Политика посветен на „Отворен Балкан“: Нашите народи бараат да се здружиме, за подобро денес и подобро утре. Наместо судбина, ние избравме иднина. Наместо некни – денес и утре.
Сè уште се активни пожарите во Пехчево, Сарај во Скопје, Петровец, Старо Нагоричане, Прилеп, Штип, Битола, соопшти ЦУК, согласно состојбата до 8 часот. Пожарот во делчевско е во контрола и нема опасност од негово ширење, а локализиран е и пожарот во атарот на селата Дрен – Смолане, прилепско.
Приведен е Б.М.(60) од Дебар, поради сомнение дека предизвикал пожар. Тој бил затекнат кај опожарена нива во село Бомово.
Благодарност до сите вклучени во гаснењето на пожарите, продолжува вложувањето во човечкиот капитал, велат од СДСМ.
Речиси 2.000 активни ковид случаи – најмногу во Скопје и Тетово, надлежните апелираат невакцинираните да се вакцинираат.
Постот што ги рецензира Вистиномер, изнесува неточни и манипулативни тврдења дека невакцинираните ќе бидат подложени на репресии и присилни тестирања, кои наликуваат на дехуманизираниот однос на нацистите кон Евреите за време на Холокаустот и дека вакцинацијата ќе стане задолжителна.
Во обид да се зачува јавното здравје и да се стави под контрола рапидното зголемување на бројот на заразени, што претставува ризик од преоптоварување на здравствените системи, сè повеќе земји воведуваат задолжително приложување на вакцинален сертификат за своите граѓани.
РЕНДГЕН: Меси ја напушта Барселона.
Подобрена е ситуацијата со пожарот во северниот дел на грчкиот остров Евија, меѓутоа огнената стихија сè уште не е ставена под контрола, а дел од жителите ноќта ја поминаа во ферибот
Јапонскиот град Нагасаки денеска ја одбележа 76-годишнината од нуклеарниот напад за време на Втората светска војна од страна на САД, а градоначалникот Томиша Тауе апелираше до јапонската Влада да земе поактивно учество во ослободувањето на светот од нуклеарно оружје.
Американскиот милијардер Илон Маск наводно привремено живее во мал монтажен дом од 49.500 американски долари, за кој веќе има план за производство и список на чекање од 100.000 единици.
Американски радиоводител и познат антиваксер Дик Фарел почина од коронавирус, но пред да го испушти последниот здив ги повика пријателите и неговите обожаватели задолжително да се вакцинираат, објави WPTV на Флорида.
Ј. Ѓ.
