Растот на Бруто домашниот производ (БДП) од 13,1 процент во вториот квартал од годинава укажува дека кризата одминува и економијата заздравува, оцени денеска премиерот Зоран Заев. Во обраќањето на Првата годишна конференција, што ја организира Министерството за финансии, Заев осврнувајќи се на денешните статистички податоци за БДП, рече дека тие се потврда дека економијата е стабилна и ќе расте.
Финансирање на закрепнувањето на економија од КОВИД и поддршка за забрзан одржлив раст со паралелно одржување фискална стабилност преку мобилизирање капитал од приватниот сектор како дополнување на буџетските средства и задолжувањата, е целта на Планот за здравување и финансирање на забрзан раст кој е веќе подготвен, а го најавија денеска премиерот Зоран Заев и министерот за финансии Фатмир Бесими.
Градоначалникот на Центар, Саша Богдановиќ, одговорно тврди дека ниту еден од претставниците на оваа власт не учествувал во донесување на одлуките поврзани со еден од најкриминалните проекти не само во државата, туку и во Европа, реагираат денеска од Општината, по наводите на кандидатката на ВМРО-ДПМНЕ за градоначалничка, Наташа Котлар, дека и СДСМ има придонес во реализацијата на „Скопје 2014“.
Големите компании маневрираат низ лавиринтите на бирократијата и инвестираат во Северна Македонија, но малите се соочуваат со предизвици на пазарот. Треба да се обезбедат чесни правила за набавки, да се воспостави едноставна административна процедура и да се подобри деловната клима за да се привлечат нови директни инвестиции, рече амбасадорката на САД, Кејт Мери Брнз.
Премиерот Заев на средбата ја истакна исклучителната соработка со ЕИБ во делот на поддршката на капиталните инвестициски инфраструктурни и други проекти кои се комплементарни на реформските политики на Владата во вкупните заложби во процесот на интеграција на Северна Македонија во ЕУ.
Премиерот Зоран Заев се обрати на настанот за промоција на нова јубилејна поштенска марка, по повод претстојниот празник 8-ми Септември, односно 30 години од независноста. Настанот, симболично се одржа во Шалтер салата во зградата на АД „Пошта на Северна Македонија“.
В.Д
