ВМРО-ДПМНЕ е симбол на криминал и корупција, партија која е единствена на браникот на криминалот, велат СДСМ.
Долг е списокот на лица осудени или лица против кои се водат судски постапки за сторени кривични дела.
Прв на тој список е нивниот почесен претседател и осуденик во бегство Никола Груевски.
По него е уште еден осуденик, Сашо Мијалков за кој со години се веруваше дека е недопирлив и над законите.
Гордана Јанкуловска, Митко Чавков, Миле Јанакиески, Спиро Ристоски, Трајко Вељановски се само дел од плејадата функционери на ВМРО-ДПМНЕ кои низ отворени ефикасни судски процеси добија пресуди за нивното незаконско постапување.
Затоа, пред да зборува за криминал и криминалци ВМРО-ДПМНЕ да си погледне во своите редови таму, во раководството се уште има лица кои секојдневно се во судниците чекајќи го епилогот по делата за кои се обвинети.
Големи се фрустрациите во белиот дворец што не успеваат да ги одбранат криминалците во своите редови, но тие фрустрации нема да спречат судството независно и професионално да испорача правда и еднаквост пред законите.
