На денешната седница на Советот во Општина Ѓорче Петров, при распределбата на членовите во комисиите на Советот во општината, советничката група од ДПМНЕ го покажа вистинскиот недемократски капацитет, а советничката група на ЛЕВИЦА покажа дека одработуваат за ДПМНЕ и по потреба се опозиција, по потреба се дел од мнозинството во советите, велат од СДСМ Ѓорче Петров.
„Имено, при распределбата на членовите на комисиите, советничката група на ЛЕВИЦА се изјасни како опозиција во Советот, и со тоа беа одземени 8 места во комисиите кои треба да припаднат на опозицските членови на Советот.
Иако ја потврдија коалицијата со ДПМНЕ и во парламентот, иако ја потврдија коалицијата со ДПМНЕ во Советот на Град Скопје, и советите во општините каде што ДПМНЕ нема мнозинство, во Советот на Општина Ѓорче Петров, советничката група на Левица одработува за ДПМНЕ и “глуми” опозиција.
Со ваквиот недемократски капацитет и нерамномерната распределба на членовите во комисиите на Советот, нарушена е волјата на граѓаните кои гласале за коалцијата предводена од СДСМ.
СДСМ преку своите советници нема да дозволи самоволие на ВМРО-ДПМНЕ и нивниот приврзок Левица на штета на граѓаните на Ѓорче Петров“, велат од СДСМ Ѓорче Петров.
