Заев останува за да се стабилизира и ако може да се зголеми мнозинството, Апасиев ке го сруши и Мицкоски, се апелира на поголем одзив на вакцинација, Филипче не размислува за оставка.
ФРОНТ
Апасиев ќе го сруши и Мицкоски. Али Ахмети деновиве ги „преслуша“ и Мицкоски и Заев во собраниските кабинети, јасно ставајќи до знаење дека тој со својата партија е „кингмејкерот“, столбот околу кој ќе опстојува или ќе се менува власта во Македонија. Тоа е реалноста, другото се прикаски за зачадените чајџилници, за политичките биртии и за фриволните фејсбук препукувања и навреди
Сега, шо прајме? Закачи дијазепам! Како што јавуваат изворите на АХА, после изјавата од СДСМ за одложувањето на оставката од Заев, Мицкоски и Апасиев имале телефонски разговор до раните утрински часови. Ги издвојуваме најбитните моменти….прочитајте го „разговорот“ меѓу Мицкоски и Апасиев во најновото АХА на РИБАРО.
ПОЛИТИКА
(ВИДЕО) Заев: Очекувам да се стабилизира парламентарното демократско мнозинство. Искрено очекувам парламентарното демократско мнозинство да се стабилизира. Пред сè тоа што е ориентирано за евро-атлантскиот пат, тоа што е ориентирано за нашето мултиетничко општество, одржување на добрососедските односи и тоа што ориентирано кон позитивните реформи во државата, рече премиерот Зоран Заев по вчерашните средби на СДСМ на Централниот и Извршниот одбор.
Раководството на СДСМ едногласно одлучи Заев да ги одложи оставките. Според Костадинов, одлагањето на оставките ќе биде на неодредено време додека состојбите во државата го бараат тоа.
На седниците на Извршниот одбор, а потоа и на Централниот одбор се отворија многу прашања, но имајќи го предвид моментумот во кој се наоѓаме едногласно препорачавме претседателот на партијата и премиер Зоран Заев да ја одложи остаката, кажа претседателот на ЦО, Перо Костадинов во гостувањето на „Утрински брифинг“. Тој додаде дека дебатата била конструктивна, имало и критичност, но расправата се одвивала во демократска атмосфера.
Во декември има клучен прозорец во однос на политиката за интеграција на ЕУ кон Западен Балкан, а процесот нема да биде кредибилен доколку не бидат прифатени утврдениот напредок во досието на Северна Македонија и Албанија во октомврискиот извештај на Европската Комисија, заедно со уште еднаш повторената препорака дека двете земји ги исполнуваат условите да ги отпочнат преговорите со ЕУ, констатирале на денешната средба во Скопје претседтаелот на Владата Зоран Заев и премиерот на Холандија Марк Руте, соопшти владината прес-служба.
Во тек е јавниот повик на Општина Центар за ангажирање на невработени лица во проектот „Образование за сите“. Проектот има за цел да ангажира невработени лица кои се заинтересирани да се вклучат за работно ангажирање како лични асистенти на ученици со посебни образовни потреби, кои се вклучени во образовниот процес во основните училишта на територија на Општина Центар – Скопје, во учебната 2021/2022 година.
Ако не се изгласа недоверба на Влада, наредните три месеци не може повторно да се гласа, вели Џафери. Јасни се процедурите. Има седница закажана во четврток. Седницата мора да има епилог. Епилогот може да биде, се гласа недоверба – паѓа Владата, не се гласа недоверба – не паѓа Владата. После тоа наредните 90 дена не може да има повторно гласање за недоверба. Затоа е даден рок од 90 дена, рече Џафери.
ЕКОНОМИЈА
Бислимовски: Има појави на кражба на струја, а неретко тоа се прави за т.н. копање биткоини.-Електроенергетската криза е прогласена за ЕСМ и МЕПСО да можат да повлечат средства од Буџетот и да ја поправат својата финансиска состојба. Рестрикции имало и порано. Но сега има слободен пазар на електрична енергија од различни снабдувачи. Снабдувачот мора од добавувачот од странство предвреме да ја плати струјата. Ако има рестрикции, добавувачите нема да можат да ја продадат струјата не по своја вина, вели Бислимовски.
СКАНДАЛИ
ПАНДЕМИЈА
Филипче кој денеска на прес-конференција информираше за состојбата со корона вирусот во земјава, рече дека можеби сме пред нов КОВИД бран. Како што рече Филипче, многу е тешко да се идентификува вистинската причина за растот на КОВИД случаите. Можно е да се работи за некоја од варијациите на вирусот. Затоа се чекаат резултатите од секвенционирањето кои треба да стигнат до крајот на оваа или почетокот на идната недела.
Комисијата за заразни болести ќе одржи состанок во петок, соопшти министерот за здравство Венко Филипче. На состанокот ќе бидат слушнати предлозите и согледувањата по последните анализи на КОВИД-состојбата во земјата, но Филипче лично смета дека нови рестриктивни мерки не се потребни, доволно е да се почитуваат протоколите и да се зголеми процентот на вакцинација.
