Говор на украинскиот претседател на Украина интегрално.
Граѓани на Украина.
Што слушаме денес? Тоа не се само ракетни експлозии, борби, татнеж на авиони. Тоа е звукот на новата железна завеса што се спушта и ја затвора Русија од цивилизираниот свет. Наша национална задача е оваа завеса да не поминува низ нашата украинска територија, туку дома кај Русите.
Украинската армија, нашите граничари, полицијата и специјалните служби ги запреа нападите на непријателот. На јазикот на конфликтот, ова може да се нарече оперативна пауза.
Во Донбас, нашите Вооружени сили работат одлично, Харковската насока е многу тешка, силите за одбрана на градот работат, тие се сигурни, тие се нашите момци. Најпроблематична состојба денес е на југот. Нашите трупи водат жестоки битки во предградијата на Херсон. Непријателот притиска од окупираниот Крим, обидувајќи се да напредува кон Мелитопол.
На северот на земјата, непријателот полека напредува во Чернигивската област, но има кој да го задржи. Сигурна одбрана е изградена во Житомирската област. Непријателските десанти во Гостомел се блокирани, на војниците им е дадена наредба за уништување.
Да, ние, за жал, имаме загуби, загуби на нашите херои. Да, има заробени руски војници. Нашите лекари им помагаат на некои од нив – на оние што се предадоа. Уништени се многу руски авиони и многу оклопни возила.
Да, гледаме дека многу Руси се шокирани од тоа што се случува. Некои Руси веќе повикуваат на социјалните мрежи дека се против војната. Го гледаме тоа се. Но, раководството на Руската Федерација веројатно нема да го види тоа.
Затоа молба.
Ако нè слушате, ако нè разбирате, ако разбирате дека напаѓате на независна држава, ве молам излегувајте на плоштад, обраќајте му се на Претседателот на вашата земја.
Ние сме Украинци. Ние сме на нашата земја. Вие сте Руси. Сега вашата војска започна војна. Војна во нашата држава. Многу би сакал да се искажете на Црвениот плоштад или на некое друго место на улиците на вашиот главен град, во Москва, Санкт Петербург и другите градови во Русија. Не само на Инстаграм – ова е многу важно.
Што гледаме во овој час? За светската заедница, Русија станува аналог на таканаречениот „ДНР“ – ова е целосна изолација.
Во постојан контакт сум со лидерите на партнерските земји и меѓународните организации. Русија веќе почна да ги добива првите санкции од големиот пакет санкции, најмоќните во светската историја.
Никој нема да може да не убеди или не принуди нас, Украинците, да се откажеме од нашата слобода, од нашата независност, од нашиот суверенитет. Но, се чини дека руското раководство се обидува да го направи тоа на сметка на уништување на потенцијалот на нивната земја. Сè што направи Русија од 2000 година, сега може да се запали во живо пред очите на целиот свет.
Нагласуваме дека не го избра Украина патот на војната. Но, Украина нуди враќање на патот кон мир.
Што да направат Украинците? Помогнете ѝ на националната одбрана. Придружете се на редовите на Вооружените сили на Украина и единиците за територијална одбрана. Секој граѓанин со борбено искуство сега ќе биде корисен. Имено од вас и од сите нас зависи дали непријателот ќе може понатаму да напредува на територијата на нашата независна држава. Ве молиме помогнете ѝ на волонтерската заедница и на медицинскиот систем, на пример со дарување крв.
Политичари и лидери на заедницата – помагајте им на луѓето, што е можно повеќе обезбедете нормалното живеење на терен. Секој треба да се грижи за своите блиски и да се грижи за оние соседи или познаници, кои имаат потреба. Должност на новинарите, важна должност, е да ја бранат демократијата и слободата на Украина.
Денеска разговарав со многу лидери – Обединетото Кралство, Турција, Франција, Германија, ЕУ, САД, Шведска, Романија, Полска, Австрија и други.
Доколку вие, драги европски лидери, драги светски лидери, лидери на слободниот свет, не ни помогнете денес, тогаш утре војната ќе затропа на вашата врата.
Слава на Вооружените сили на Украина!
Слава на Украина!
