Француската влада синоќа потврди дека претседателот на таа земја Емануел Макрон телефонски разговарал со рускиот колега Владимир Путин, соопшти Елисејската палата.
Се наведува дека разговорот е само продолжение на претходните дијалози кои Макрон ги водел со Путин во врска со прекинот на огнот и актуелните безбедносни проблеми.
„Во моментов нема договор, но претседателот Макрон останува убеден дека треба да продолжи со своите напори. Нема друг начин освен прекин на огнот и руската страна да покаже добра волја во разговорите со Украина“, се додава во соопштението.
Претходно Кремљ објави дека Путин разговарал со Макрон и дека разговорот бил на иницијатива на Франција./MИА/.
