Руското Министерство за правда ја стави германската радиодифузна компанија Дојче веле на листата на странски агенти, објавено е денеска на веб-страницата на Министерството, пренесува МИА.
Како што се наведува, руското Министерство за правда го вклучи Дојче веле во својот регистар на странски медиуми кои имаат функција на странски агент, пренесува агенцијата ТАСС.
Руските власти на 3 март ја одзедоа акредитацијата на Дојче веле, како одговор на одлуката на официјален Берлин да го забрани емитувањето на рускиот канал РТ бидејќи немал соодветна лиценца.
