Регионалниот гувернер на рускиот град Белгород, Вјачеслав Гладков тврди дека со украински воени хеликоптери е извршен напад врз складиште за нафта во градот. Тој на Телеграм објави дека пожарот, што избил утрово, е предизвикан од воздушни напади од два украински хеликоптера.
An oil depot is on fire in #Belgorod, #Russia.
“The emergency services went to the place of fire, measures are being taken to eliminate it”, said Gladkov, the governor of the region in his Telegram channel. pic.twitter.com/ey7rC5ChSz
— NEXTA (@nexta_tv) April 1, 2022
Според него, две лица се повредени, но, не се во животозагрозувачка состојба. Гладков додаде дека евакуирани се жителите од околните улици.
Пред два дена, во регионот имаше експлозии во зграда за складирање оружје.
Белгород се наоѓа на околу 30 километри од украинската граница, а на 60 километри од украинскиот град Харкив, што пак е бомбардиран од руските трупи уште од почетокот на војната.
Украина не презеде одговорност за ниту една од експлозиите./МИА/.