Советникот на украинскиот министер за надворешни работи Антон Герашченко на Твитер објави видео од разурнатиот град Буча, што вчера беше ослободен од руска окупација.
– Буча пред еден месец – прекрасно модерно предградие на Киев. Буча сега – штали бомбардирани и изгорени, куќи ограбени до последната лажица или уништени до земја, млади семејства убиени, мажи исчезнати, жени силувани, наведе Герашченко.
Bucha a month ago – a beautiful modern #Kyiv suburb. #Bucha now- stables bombarded and burned, houses robbed to the last spoon, or wrecked to the ground, young families killed, men gone missing, women raped.
wrecked, robbed houses, wrecked or lost lives. #StandWithUkraine pic.twitter.com/FNKbyzdYHr
— Anton Gerashchenko (@Gerashchenko_en) April 1, 2022
Додека градоначалникот на Буча, Анатолиј Федорук изјави дека во градот е откриена масовна гробница, каде се закопани 280 луѓе.
– Некои од убиените имаа само 14 години. Сите тие луѓе се убиени, застрелани во задниот дел од главата, истакна Федорук, додавајќи оти голем број од жртвите носеле бела лента, што е знак дека се невооружени.
Претходно, украинското Министерство за одбрана објави видео снимки на кои се гледаат безживотни тела на улиците на градот Буча. Ова е Нова Сребреница, велат од украинското министерство за одбрана.
Михаил Подољак, советникот на шефот на кабинетот на украинскиот претседател Зеленски, во серија од твитови за страшните воени злосторства над цивили во Буча, вели дека ова е пеколот на 21. век.
Според дел од западните медиуми, најмалку 20 мртви мажи во цивилна облека биле пронајдени на една улица откако украинските сили вчера ја вратија контролата врз Буча.
Ј. Ѓ.
