Предвремени избори значат долги и валкани кампањи и дополнително влошување на односите меѓу главните политички чинители. Во однос на барањето на лидерот на опозицијата, Христијан Мицкоски за лидерска средба на која би се разговарало исклучиво за предвремени парламентарни избори, треба да разликуваме три одделни аспекти, изјави за ФРОНТЛАЈН поранешниот пратеник и активист Павле Богоевски.
Богоевски истакна дека сега, повеќе од кога било претходно, на Македонија ѝ требаат обединети власт и опозиција, како и неблокирани и функционални институции кои ќе можат навремено да реагираат на најновите светски закани и трендови и поради тоа, квалитетниот меѓупартиски дијалог е од клучна важност за успехот во ублажувањето на последиците од светската криза.
Дали има воопшто потреба од лидерска средба? Дефинитивно има. Во услови на глобална епидемиолошка, енергетска, економска и безбедносна криза, брзината и адекватноста на чекорите кои ќе ги преземат институциите се од клучно значење за интензитетот на последиците и шоковите врз македонските граѓани. Сега, повеќе од кога било претходно, на Македонија и’ требаат обединети власт и опозиција, како и неблокирани и функционални институции кои ќе можат навремено да реагираат на најновите светски закани и трендови и поради тоа, квалитетниот меѓупартиски дијалог е од клучна важност за успехот во ублажувањето на последиците од светската криза, рече Богоевски.
Тој вели дека изборите значат и нефункционално Собрание и ефективно блокирање на голем број државни функции во период од повеќе месеци.
Второ, дали нам во овој момент, навистина ни се потребни предвремени избори? Избори значат долги и валкани кампањи, дополнително влошување на односите моеѓу главните политички чинители, нефункционално Собрание и ефективно блокирање на голем број државни функции во период од повеќе месеци. Тоа пак, ќе значи неможност за навремено реагирање и корегирање на последиците од кризата, а товарот од тоа ќе падне на самите граѓани. Северна Македонија во овој момент не може и не смее да си го дозволи тоа, рече Богоевски.
Богоевски потенцираше дека разбирливи и легитимни се желбите и тенденцијата на секоја опозиција да работи кон изборна победа и доаѓање на власт. Но, тоа да се прави преку уцени и условувања, преку држење во заложништво на државните институции во услови кога тие им се најпотребни на граѓаните – во најмала рака е некоректно, па дури и опасно и мошне штетно за граѓаните и државата во целост.
И трето, дали начинот на кој опозицијата ја бара лидерската средба, односно преку условувања, уцени и закани со блокади на институции е легитимен, па дури и коректен начин на барање политички дијалог? Ни најмалку. Разбирливи и легитимни се желбите и тенденцијата на секоја опозиција да работи кон изборна победа и доаѓање на власт. Но, тоа да се прави преку уцени и условувања, преку држење во заложништво на државните институции во услови кога тие им се најпотребни на граѓаните – во најмала рака е некоректно, па дури и опасно и мошне штетно за граѓаните и државата во целост. Сега е време кога е потребен фокус на реалните проблеми, кога е потребно граѓаните да видат континуитет и почуствуваат сигурност во работењето на институциите, а не за реализирање на лични аспирации за власт, дури и по цена на повеќемесечно парализирање на капацитетите на државата поради бараните предвремени избори, рече Богоевски.
ВМРО-ДПМНЕ од денеска почнува активна блокада на Собранието, која ќе трае, како што велат сè до договорот за датум за предвремени парламентарни избори.
Мартина Ацковска
