На официјалната Фејсбук страница на „Самсунг Македонија“, не може да се најде објава за ваква нарадна игра. „Вистиномер“ се обрати во „Самсунг“ од каде ни потврдија дека станува збор за лажна објава и дека компанијата нема никаква врска со овие профили, пишува „Вистиномер“ во својата анализа.
Пост на Фејсбук, користејќи го логото на компанијата „Самсунг“ споделува објава за наводна наградна игра. Во постот објавен од страница насловена како „Самсунг Фанс“ се измамуваат и манипулираат граѓаните дека компанијата позната по продажба на електроника, ќе донира 100 телевизори. Она што се бара од следбениците на страницата е да го споделат постот, да коментираат на истиот и да се регистрираат на некој линк. Станува збор за Фејсбук страница креирана на 12 јуни која веќе има над 900 следбеници.
Во објавата се наведува:
Здраво на сите вас
SAMSUNG објави дека ќе донираме 100 телевизори кои повеќе не можат да се продаваат на купувачите поради мали гребнатинки и помали оштетувања при испорака на купувачите.
Затоа не сакаме да го трошиме. Сите овие телевизори сè уште работат добро. Така, ќе избереме победник по случаен избор од луѓе кои споделуваат и коментираат на оваа објава и последниот чекор кликнете на овој линк � https://tinyurl.com/bdhzzbuw � и регистрирајте го вашето име според упатствата
Наградите ќе бидат испратени до сите среќни добитници кои успешно ќе се пријават на нашиот официјален линк следниот понеделник.
Направете го тоа сега пред да заврши играта, успех
Доколку го отворите линкот оставен за регистрација, ќе видите дека на истиот го има официјалното лого на „Самсунг“, а на насловната страница пишува:
Добредојдовте на нашата официјална страница SAMSUNG Македонија, ви даваме официјална шанса да освоите 1 бесплатен телевизор од Samsung.
Во коментарите под постот, на различни прашања од следбеници, следува еден ист одговор од страницата:
добредојдовте на нашиот настан, ве молиме споделете ја оваа објава со 10 до 20 групи што ги имате, направете го тоа сега
На официјалната Фејсбук страница на „Самсунг Македонија“, не може да се најде објава со ваква содржина.
„Вистиномер“ се обрати во „Самсунг“ од каде ни потврдија дека станува збор за лажна објава.
Компанијата Samsung нема никаква врска со овие профили. Добронамерно ве советуваме да не ги приложувате вашите податоци, бидејќи компанијата Samsung сите актуелни промоции и понуди ги објавува исклучиво на своите социјални мрежи и веб-страница, стои во нивниот одговор.
Имајќи го предвид сето ова, можеме да заклучиме дека постот што го анализираме е невистинит.
