Драги бугарски пријатели, патем, да ве потсетам дека беше потребен еден краток пријателски и искрен телефонски разговор со Бојко Борисов, да се реши прашањето за бугарското малцинство во Албанија! Вистинските пријатели не се повредуваат меѓусебно, туку разговараат искрено и испорачуваат, напиша албаснкиот премиер Еди Рама во најновиот Твит, откако беше прекорен од бугарското МНР дека не зборувал како лидер на земја којашто претендира да биде дел од ЕУ.
And by the way let me remind you dear Bulgarian friends that it took a short phone call with @BoykoBorissov to settle friendly&honestly the issue of the Bulgarian minority in Albania!Real friends do not harm each other, but they speak truthfully to each other and they deliver!
— Edi Rama (@ediramaal) June 24, 2022
„O! Бугарското Министерство за надворешни работи има проблем со мојот начин на зборување! Добро, фер е. И јас имам проблем со начинот на кој Бугарија сака да ги реши билтаралните прашања користејќи го процесот на проширување како средство за киднапирање на две земји од НАТО! Лeсно е пријатели: Подигнете го ВЕТОТО или издржете со мене!“
Oh! Bulgaria’s Foreign Ministry has an issue with my way of speaking!Fair enough.I have an issue too with the way Bulgaria wants to solve biletaral issues by using the enlargement process as e vehicle of kidnapping two NATO countries! Easy friends:Lift the VETO or bear with me!
— Edi Rama (@ediramaal) June 24, 2022
Бугарија отсекогаш била меѓу оние земји-членки на Европската унија кои ја поддржуваат европската припадност на албанскиот народ. Ја браневме европската перспектива на Албанија и почетокот на преговорите за членство во ЕУ, дури и кога беше многу потешко од денес. Ние се залагаме за тоа денес, и покрај сè, во име на заедничката европска иднина. Сепак, не е првпат да слушаме неиспровоцирани остри, навредливи квалификации од еден шеф на влада, стои во соопштението на Бугарското министерство за надворешни работи како одговор на вчерашната изјава на албанскиот премиер Еди Рама.
-Жолчните квалификации со толку ниско јазично ниво повеќе не можат да се оправдаат со природата и недостатокот на европски комуникациски вештини. Очекуваме албанскиот премиер да го прилагоди своето изразување и јазик, како што соодветствува за политичар од земја-кандидат за членство во ЕУ, се вели во ставот на бугарското МНР.
-На ова ниво, повеќе од кое било друго, инсистираме на одржување на добар тон на комуникација. На ова ниво секогаш сме ја покажувале сета почит што бара одговорна позиција и ниво на меѓудржавни односи. Имаме заедничка иднина со Албанија. Политичарите си заминуваат. Нациите остануваат. Нашите народи имаат заеднички интерес, кој не смее да се поткопа со погрешна проценка на еден политичар. Недозволиво е односите меѓу државите да станат заложник на ексцентричноста на актуелниот албански премиер, соопштило тамошното МНР.
И. Т. З.
