Украинската војска го одби нападот на Русија близу местото Ивано-Даривка лоцирано во регионот Донбас, а го одврати и обидот на руските војски да напредуваат кон Верхинокамијанка во правец на Славјанск, пренесува Укринформ.
Во насока на Харков, рускиот окупатор се ги задржи под контрола веќе заробените гранични премини. Во истата насока се извршени воздушни напади со беспилотно летало „Орлан-10“ кон населбите Петривка, Ридне, Соснивка, Слатине и други.
Во градот Славјанск се извршени напади кон местата Дибровне, Подоливка, Микилски, Адамивска, Чепил и други. Руските сили за овие напади употребиле минофрлачи, топови и рактена артилерија.
Би-би-си јавува дека руски крстаречки ракети удриле во фабрика за изработка на вселенски ракети во централниот украински гад Днипро и убиле три лица што се наоѓале во близина на фабриката, а 15 биле повредени.
По ова, руското министерство за одбрана соопшти дека фабриката изработувала делови за украински балистички ракети.
Регионален лидер изјавил дека уште две лица загинале кога десетици руски ракети биле истрелани во Никопол, јужно од Днипро.
Според Обединетите Нации во руско-украинската војна животот досега го загубиле повеќе од 5.000 лица од цивилното население. /МЕТА/
