Христијан Мицкоски денеска призна дека тој и Димитар Апасиев се сами и изолирани против ЕУ, пишува во соопштението на СДСМ.
Од СДСМ велат дека Мицкоски потврдил дека неговата фарса за референдум којшто е за внатрешна употреба во ВМРО-ДПМНЕ нема поддршка ниту од другите опозициски партии.
Причините за проблемите во својата партија, во опозициските редови, Мицкоски многу наивно се обидува да ги префрли кај некој друг, но за тоа треба да си се погледне самиот себе си. Целото свое политичко делување Мицкоски го сведе на ширење лаги, манипулации, на крвави сценарија, обиди за блокада на државата и европската иднина на граѓаните, пишува во партиското соопштение.
Се што кажа Мицкоски излезе обратно, како што велат од СДСМ нема бугаризација, нема асимилација, почнавме преговори со ЕУ со чист македонски јазик и зачуван идентитет. Впрочем исто така беше и за лагите дека со Договорот од Преспа ќе се избирише АСНОМ, за кантонизација и федерализација, за Законот за употреба на јазиците, пишува во соопштението.
На усвоени заклучоци од Собранието, на заштитен македонски идентитет, на почнати преговори со ЕУ со чиста формулација на македонскиот јазик, Мицкоски нема повеќе простор. Никој не му е виновен на Мицкоски што ги лажеше граѓаните, своите членови и другите партии, велат од СДСМ.
