Европската унија, НАТО и ОН го поздравија спроведувањето на договорот за извоз на украинско жито, откако првиот брод рано утрото исплови од Одеса.
Првиот брод со жито исплови од украинското пристаниште Одеса, според претходно постигнатиот договор за безбеден премин, соопшти украинскиот министер за инфраструктура Олександар Кубраков.
Европската унија го поздрави заминувањето на првиот брод и побара „целосна имплементација“ на договорот постигнат во Истанбул за повторен извоз од Украина, изјави портпаролот на шефот на европската дипломатија, Жозеп Борел.
Ова е прва многу важна и добредојдена фаза и со нетрпение очекуваме да се имплементира целокупниот договор и да продолжи извозот од Украина на клиенти ширум светот кои се погодени од кризата со храна предизвикана од руската блокада на украинските пристаништа, рече Петер Стано.
Генералниот секретар на НАТО Јенс Столтенберг и се заблагодари на Турција што одигра „централна улога“ во постигнувањето договор за извоз на жито.
I welcome the 1st shipment of Ukrainian grain from Odesa under the @UN-brokered deal. I thank our Ally #Türkiye for its pivotal role. #NATO Allies strongly support the full implementation of the deal to ease the global food crisis caused by Russia’s war in Ukraine.
— Jens Stoltenberg (@jensstoltenberg) August 1, 2022
Сојузниците во НАТО цврсто го поддржуваат интегралното спроведување на договорот, чија цел е да се намали глобалната криза со храна предизвикана од руската војна во Украина, нагласи тој во порака на Твитер.
Бродот „Разони“ под знамето на Сиера Леоне е натоварен со 26.000 тони пченка и плови кон Либан. Утре се очекува да биде во Истанбул, каде треба да помине инспекција на Заедничкиот координативен центар.
Либан зависи од извозот на жито од Украина и е една од најпогодените земји од кризата со храна, рече Стано.
.@antonioguterres warmly welcomes the departure of the M/V Razoni, the first commercial ship leaving Ukraine’s port of Odesa since 26 February 2022. Ensuring that existing grain and foodstuffs can move to global markets is a humanitarian imperative. 👇👇👇https://t.co/YxCjl7XSvk pic.twitter.com/oy65FURNn4
— UN Spokesperson (@UN_Spokesperson) August 1, 2022
И Генералниот секретар на ОН Антонио Гутереш го поздрави денешното отпловување од украинското пристаниште Одеса на првиот трговски брод со жито од 26 февруари.
Гутереш рече дека е хуманитарен императив да се осигура дека постоечките житарки и други прехранбени производи се наоѓаат на глобалниот пазар.
Тој посочи дека бродот, кој тргнал за Триполи во Либан, бил натоварен со 26.537 тони пченка, прв испловил согласно договорот од Истанбул за извоз на жито со бродови од пристаништата во Црното Море, кој бил потпишан на 22 јули.
Ј. Ѓ.
