Полска одлучи да им се придружи на Естонија, Летонија и Литванија во формирањето регионален блок кој ќе го ограничи влезот на Русите во нивните земји, вклучително и оние со визи за Европската Унија, кои се издадени од други земји од Шенген .
Тоа значи дека Финска ќе биде единствената отворена копнена рута во ЕУ, јавува Радио Слободна Европа.
Литванија, Летонија и Естонија се договорија оваа недела да го ограничат влезот на руски државјани во нивните земји од Русија и Белорусија.
„Неприфатливо е, додека луѓето во Украина се измачуваат и убиваат, граѓаните од агресорската држава Русија да можат слободно да патуваат во ЕУ“, се вели во соопштението на полската влада, додавајќи дека новите мерки треба да стапат во сила до 19 септември.
