ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result

Владата ќе прави дополнителни пресметки за барањата на Синдикатот на УКИМ, договорено е повторно да имаат средба

October 4, 2022 12:45
in ДЕНЕС, ОБРАЗОВАНИЕ, ПОЛИТИКА

Побараа малку време да направат одредени дополнителни пресметки зашто во периодот што доаѓа е донесувањето на Буџетот за новата година, изјави проф. д-р Ангел Ристов, претседател на Сојузот на синдикатите на Универзитетот „Св. Кирил и Методиј“ по средбата со премиерот и министри за нивните барања за повисоки плати и потпишување Колективен договор.

Во изјава за медиумите по средбата во Владата, Ристов рече дека тој и членови на Извршниот одбор на Синдикатот на УКИМ имале конструктивна средба со премиерот Димитар Ковачевски и министрите за  финансии и за образование и наука кои, како што рече, „заклучија дека постои од нивна страна политичка волја да излезат во пресрет на барањата на Синдикатот“

Договориле наскоро повторно Синдикатот да биде повикан на средба и очекува, рече, „конечно да биде позитивно одговорено на нашите барања“.

Средбата беше конструктивна. Ги изложивме нашите легитимни барања, аргументи. Од нивна страна беше укажано на многу тешката економска и финансиска состојба. На крајот заклучија дека постои од нивна страна политичка волја да излезат во пресрет на барањата на Синдикатот. Но, побараа малку време да направат одредени дополнителни пресметки зашто во периодот што доаѓа е донесувањето на Буџетот за новата година. Така што, во некое блиско време повторно ќе имаме средба на која ќе бидеме повикани и очекуваме, конечно, да биде позитивно одговорено на нашите барања. Затоа што ако држава не инвестира во високото образование, во науката, тогаш таа држава нема иднина, рече Ристов.

Синдикатот на Скопскиот универзитет бара надминување на исклучително тешката материјална состојба на вработените на УКИМ, бидејќи имаат најниски плати во регионот, обезбедување достоинствен живот на наставниот и ненаставниот кадар и развој на високото образование и науката. Барањата на Синдикатот се потпишување Колективен договор и постепено покачување на платите, по 25 проценти на годишно ниво, за по четири години да се достигне 100-процентно покачување.

Не се само платите, туку и науката, пристапот до бази, обезбедување литература, гостување во странство. Како вие ќе отидете со 650 евра во Лондон или во Париз, не можете да отидете ниту до Ниш на една конференција, изјави Ристов одговарајќи на новинарски прашања.

Во врска со зголемувањето на платите од 7 отсто, постигнато од СОНК, Ристов одговори дека  покачувањето е минимално и дека не ја тангира, како што рече, најзагрозената категорија вработени – ненаставниот кадар.

Како синдикат ги застапуваме интересите не само на наставниот кадар, туку и на ненаставниот кадар. Тие се во многу тешка и незавидна положба и токму тоа беше и клучниот аргумент за овие наши барања, дека и ним треба да им се помогне во оваа состојба, а не само на наставниот кадар, додаде  претседателот на Синдикатот на УКИМ.

Next Post
Украински тенкови. Фото: Укринформ

Би-Би-Си: Украинските сили ослободија дополнителна територија, напредуваат кон Херсон

НАЈНОВО

(ВИДЕО) Јапонските власти со видео со ВИ покажуваат како пепел од Фуџи би го покрил Токио

August 29, 2025

Газа остана без лекови за синдромот Гилијан-Баре, има и жртви

August 29, 2025
Скриншот од Јутјуб

Трамп нареди да се укине заштитата од Тајната служба за Камала Харис

August 29, 2025

НАЈЧИТАНО

  • Реконструкција на Владата – Дали ВМРО калкулира со ДУИ зад кулисите?

    0 shares
    Share 0 Tweet 0
  • Клековски: Нема ниту една пријава за непотребна операција, ги повикуваме пациентите да поднесат претставки доколку се сомневаат

    0 shares
    Share 0 Tweet 0
  • Колку „тежи“ венчалниот прстен што го доби Тејлор Свифт

    0 shares
    Share 0 Tweet 0
  • Висар Адеми како независен кандидат за градоначалник на Гостивар

    0 shares
    Share 0 Tweet 0
  • Охридски пливачки маратон: Шеснаесет пливачи и пливачки од шест земји ќе пливаат на патеката „Климе Савин“

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk