Најмалку 146 лица загинаа во стампедо за време на прославата на Ноќ на вештерките во популарна област за ноќен живот во јужнокорејскиот главен град Сеул, соопштија официјални лица според најновите податоци. Новинската агенција Јонхап, повикувајќи се на службите за итна помош, објави дека 150 луѓе се повредени во квартот Итаевон во Сеул, но некои се наоѓаат во критична состојба.
Наводно, до стампедото дошло кога толпата тргнала кон едно кафуле, во кое наводно се наоѓала славна личност. Се претпоставува дека на прославата се собрале повеќе од 100.000 луѓе.
Be careful ! #itaewon pic.twitter.com/tuEaPelXqQ
— ᗰᗩᖇIᗴ (@marmeyr) October 29, 2022
Јужнокорејскиот претседател Јун Сук-јол веднаш свика итен состанок.
Фотографиите и видеата на социјалните мрежи покажуваат голем број медицински работници и цивили кои им помагаат на онесвестените на улиците.
Two are confirmed dead and over 50 injured in the #stampede in #Seoul, #SouthKorea Saturday night. pic.twitter.com/q6NxiiARha
— Media Warrior (@MediaWarriorY) October 29, 2022
На една видео снимка се гледа како итните служби реанимираат луѓе кои лежат на улица. Во друга, пак, службите за итни случаи се обидуваат да ги извлечат луѓето од толпата, јави Би Би Си.
Еден локален новинар изјави дека е испратена итна порака на сите мобилни телефони во округот Јонгсан, повикувајќи ги жителите да се вратат дома што е можно поскоро.
Повеќе од 400 припадници на дежурните служби се на терен, вклучувајќи го целиот расположлив персонал во Сеул.
