Борис Стојменов, сопственик на Канал 5 телевизија, поранешен министер и потпретседател на ВМРО-ДПМНЕ, во синоќешното издание на емисијата Во центар откри детали од неговото политичко и животно минато.
-Кај мене на платен список беа Љубчо Георгиевски, Доста Димовска и Снешка. Преку мене се финансираа, Љубчо го водевме како референт за даноци. Доста седеше и земаше пари.
-Вмро се финансираше и преку Општина Кисела Вода односно преку Марјан Ѓорчев. Преку мојата фирма пари се внесуваа во ВМРО, а зградата на ВМРО, јас ја зедов под кирија и на првиот кат мојата компанија плаќаше кирија. Од СИЗ за домување беше откупена подоцна, а јас овозможив таа зграда да стане сопственост на ВМРО.
Тој вели дека Борис Трајковски само тој го поддржувал.
-Доста еднаш го истера од канцеларија, му викаше чукни прво па после ќе влезеш – си играа со него.Ден Дончев јас го донесов, мој човек беше. Го контролирав, уште тогаш му лепеа прстите.Павле Трајанов беше вклучен во преговорите со Грција за ОКТА, вели тој.
